Көҙ(шиғыр). Фәрзәнә Ғөбәйҙуллина

Көҙ (шиғыр ) автор Фәрзәнә Ғөбәйҙуллина

.Нәшер ителгән: 2006 йыл. Сығанаҡ: "Туған тел".-Өфө"Китап",2006 йыл

Көҙ

Игендәр урылған,
Уңыштар йыйылған,
Бесән дә сабылған,
Эҫкерттәр ҡойолған.
Ел менән ҡыуышып,
Япраҡтар ҡойола,
Осар ҡош талпынып,
Китергә йыйына.
Кескенә бер турғай
Шатланып йыр йырлай
— Минең ер —
          Гөлөстан,
Ҡурҡмайым мин
             ҡыштан!
Уңһам да, туңһам да,
Китмәйем илемдән!
Мин ғәзиз еремдән!

 

2006 йыл

---